ماوەیەکی زۆرە هەرجارە و پاشبنەمایەک Wallpaper دروست دەکەم و دەیخەمە ئەلبومەکەوە (کەلەپڕۆژەی پیکاسا گووگڵەوە ڕاژە دەکرێت) لەژێر ناونیشانی Linux Wallpaper و بەتۆڕی نێتدا بڵاو دەبێتەوە. ئەمڕۆ لەگەڕانی Picasa ـدا بینیم کە لەئەنجامی گەڕانی کلیلەوشەیLinux+wallpaperــدا، پشبنەماکانی من دروستم کردوون Sia سێهەمین ئەنجامە و بەمەش بۆم دەردەکەوێت کەئێوەی خوێنەر زۆر کرتەتان کردووە. منیش تەنها ئەوەم بۆ دەکرێت سوپاستان بکەم وەکو بەکارهێنەری کورد و زۆریش لەخەڵکی وڵاتانی دی، کەبەڕەگەزی لەمیللەتانی ترن. هەروەها دەتوانم بڵێم لەداهاتوودا هەوڵ دەدەم پاشبنەمای جوانتر و ڕەنگ ئاڵتر دابنێم. هەرچەندە لەئێستادا ئەو کۆمپیوتەرەکەی کارەکانی لەسەر دەکەم تەمەنی 9 ساڵە و کۆن کۆنە، ڕەنگە ئەو ڕەنگ و زەوقە نەتوانم بدەم بەڕەنگەکان لەبەر نەبوونی لێکدانەوەی دروست لەگەڵ کارتی گرافیک و هەروەها کەمی بیرگە RAM کە 128 مێگایە نەتوانم هەموو کات بەخێرایی ئەوەی دەمەوێت چێی بکەم. بەڵام سەریشمان بخوات هەرئەوە هەیە جارێ 🙂
هاوپۆل: گشتی
-
سوپاسێک بۆ کرتەکانتان.
-
ڕووکاری نوێ بەڕەنگی MARTIX
ماوەیەکە خەریکم لەگەڵ ئەوەی ڕووکارێکی قێزەوەنتر لەوەی هەمبوو دروست بکەم، بۆیە جار جار هەندێک کۆدم دەنوسی لە CSS و XHTML ی پەڕەکان و بە بەرنامەی GIMP خەریکی ڕەنگهێنان و بردن بووم. زۆرکەس پێم دەڵێن کەزەوقسزم لەڕەنگدا، بۆیە ئەمجارە ڕەنگێکی جیاوازم هەڵبژارد کەلەسەر بنەمای Matrix ــوە وەرگیراوە. جاسەرتان نەیەشێنم ویستم ئەمجارە هیچ پەڕەیەکی بەبنەڕەت وەکو WordPressBlog نەبێت و زیاتر لە CMS ــێکی گچکە بچێت. بۆیە دەستکاری هەندێک کۆدی WP_QUERY م کرد لەگەڵ دروستکردنی هەندێک LOOP نوێ بەیارمەتی کۆدەکانی PHPـی بۆ نیشاندان و دەرخستنی بابەتەکان. کۆدەکانی خۆشم تاوەکو توانیومە بەپاکی نوسیومە لەسەر بنەمایەکی دروست. هیوام وایە ئەمجارەیان لەوانی تر نەچێت بڵاگە پەرپووتەکەم.
تێبینی: ئەگەر پرسیاری چۆنیەتی دروستکردنیت هەیە؟ لەمەکۆکانی چاوگ بینوسە، لەوێ هاوڕێیان باشتر شارەزان. -
Missing Link Found!
ئەمڕۆ لۆگۆی گووگڵ گۆڕابوو بەوێنەی نیمچە ئادەمیزاد و مەیمونێکی بەبەردبوو، بەگەورەیی لەسەر بەستەرەکان نوسرابوو missing link found. گرنگی ئەم دۆزینەوەیە لەوەدایە، چەندین بیردۆز و سەدەها پرسیاری نەبوونی گرێدانی نێوان قۆناغی مەیمونی و ئادەمیزادی شی دەکاتەوە و چەندین کۆڵەکە و ڕاژەی تر دەخاتە ژێر بیردۆزەکانی گەشەی مرۆڤ و تێپەڕبوونی ئادەمیزادەوە. هاوکات چەندین کێشمە و لێکدانەوەی تر دێنێتە ئاراوە، کەدەبێت لەلایەن لێکۆڵەوارانی ئاینەکانەوە بۆ خودی ئینسان و چیرۆکی ئادەم و حەوا کەبناغەی دروستبوونی ئەم ئینسانەیە، شیکردنەوەی نوێی بۆ بکرێت.
جانازانین بەکوێ دەگات؟ -
لە کۆپنهاگن چیم بینی؟
بەبۆنەی ئەوەی نوێین لەم وڵاتە و دەبێت خۆت تێهەڵکیشی کولتور و شوێن و زمان و هەڵسوکەوتیان بکەیت، دەبێت شانازی و جوانی وڵاتەکە ببێتە هەمان هەست لەلات. بۆیە لەگەڵ تیپی فێربوونی زمانی دانیمارکیدا (کەلەخەڵکی کۆریا و یابانەوە تاوەکو دورگەکانی هاوای) تێدا بوو. لەکۆپنهاگن چووینە پەرلەمان و لەگەڵ وەزیر و سەرۆک فراکسیۆن و حیزبدا ژوور بەژوور وەکو ندیوبدی دەیان بردین. هەروەها بەبەلم بەناو کەناڵەکندا گزەرمان کرد و …هتد.
بۆیە لەکاتژمێر 7:00 بەیانیەوە بەڕێکەوتین و نزیکەی 12:00 گەشتینە کۆپنهاگن و ئێوارە نزیکەی 21:00 گەشتینەوە ماڵەوە، منیش کامێرایەکی کۆنی خراپم لابوو، ئەوەی دەستم گرتی وێنەم گرت 🙂
وێنەکان زیاتر دەدوێن وەک لەنوسینەکانم!
-
مەلای ئەمڕۆ 🙂
بەبێ توانج:
[youtube http://www.youtube.com/watch?v=sVqn42U5FJU&hl=en&fs=1&color1=0x2b405b&color2=0x6b8ab6] -
هەرگیز گەورە بچووک ناکرێتەوە
هەتاکوو دەنگەکەی لەمایکرۆفۆنەکەوە دەرنەچوو، پێیان وابوو و وەپێشمان وابوو، بریتیە لەکەسێکی دووبارەی بێتاقەت کەدەیەوێت تەنها بکەوێتە بەرکامێرا و خەڵکی بیبینن.
بەڵام نەخێر ئەوەندە بەهرەمەند و خاوەنی دەنگێکی گەورە بوو، لەگەڵ دەستپێکردنی گۆرانیەکەیدا لەش و هۆش و دواهەمین هەستمانی تەزاندا. بۆیە دەڵێین ئاواتی گەورە و داهاتووی گەورە بەهیچ تێڕوانین و تەشەیەک بچووک نابێتەوە. جائێمەی بچووک کەدەنگی بلیمەتمان بیست دەبێت هەڵسینە سەرپێ.
I Dreamed a Dream
ئەمەش گۆرانیەکەیە لەخاوەنی یەکەمەوە:[youtube http://www.youtube.com/watch?v=Yt-IBJpEMzA&hl=en&fs=1&color1=0x2b405b&color2=0x6b8ab6]
